astelehena, 2012ko maiatzaren 21a
Dorrea elkartearen aurkezpena Iruritako Jauregian egin zen.
Maiatzaren 18an aurkeztu zen elkartea Iruritako Jauregian
Baztan | 2012-05-21 | 08:18
Maiatzaren 18an, ortziral arratsaldean Dorrea elkartearen aurkezpena egin zen Iruritako Jauregian. Lehenik doaneko bisita gidatua egin zen jauregi dotorean eta gero elkartearen aurkezpena.
GIZARTEA
Euskal Herria | 2012-05-21 | 11:34
Herrira mugimenduak Goazen Plazara! ekimen arrakastatsua burutu zuen maiatzaren 19an Euskal Herria osoko kasik 250 plazetan. 30.000 lagun inguruk hartu zuten parte euskal preso politikoek Giza Eskubideen alde Euskal Herriko plaza ezberdinetan burututako mobilizazio eta ekimen parte hartzaileetan.
KIROLA
Eskualdea | 2012-05-21 | 11:25
Ezustea eman zuten maiatzaren 19an Etxeberria IV eta Joxe Etxeberria III.ak eta frontoi laburrean lehen aldiz jokatu den Errioxako erremonte txapelketa-Lacturale Sari Nagusiaren finala irabazi zioten Adarragan Oñatz eta Julen San Migueli.
KIROLA
Eskualdea | 2012-05-21 | 10:32
Norbere etxean irabaztea zaila izaten da baina horixe lortu du Berako saskibaloi talde nagusiak. Toki Ona Bortziriak saskibaloi taldeak antolatu du Nafarroako lehen mailako lauko finala asteburuan Beran eta liga irabaztea lortu du. Igandeko final estuan 70-67 irabazi zion Universidad de Navarra taldeari.
GIZARTEA
Bera | 2012-05-21 | 07:51
Lourdes Goikoetxea, Nafarroako Gobernuko Landa Garapen, Industria, Enplegu eta Ingurumen kontseilariak Berako Savera, Parklex, Martiko eta Ubidea enpresak bixitatu zituen maiatzaren 18an, joan den ortziral goizean.
GIZARTEA
Lesaka | 2012-05-18 | 13:09
“Lesakako igerilekuarekin bat” turismo kanpainaren berri eman dute maiatzaren 18an, ortziral goizean. Kanpaina honekin, Bortzirietako hotel, landetxe eta aterpeekin elkarlana egin nahi du Lesakako udal igerilekuak eta kanpainarekin bat egiten duten establezimenduetan ostatu hartzen dutenek, prezio bereziak izanen dituzte igerilekura sartzerakoan udako egun guzietan eta negu denboraldiko asteburuetan. Ikusi bideoa
GIZARTEA
Eskualdea | 2012-05-18 | 10:37
Heldu den ekainaren 2an, Santurtzin, Euskal Herrian mintzapraktika taldeetan ari diren lagunen eguna ospatuko da: Mintza Eguna 2012. Baztango, Bortzirietako eta Malerrekako solaslagunek autobusa antolatu dute hara joateko, eta debaldekoa izanen da.
GIZARTEA
Senpere | 2012-05-17 | 13:53
Naia Lacroix senpertarra isolamenduaren aurkako borrokan gose greban dago, Fresnesko euskal preso politikoekin batera. Egoera aldatzen ez bada, maiatzaren 23tik aitzinera egarri grebari ere ekinen dio. Egoeraren larritasuna ikusirik, hainbat mobilizazio iragarri dituzte.
GIZARTEA
Bera | 2012-05-15 | 07:56
Urteroko moduan, Sanesteban besten programarekin batera, Berako Oihua aldizkaria banatuko da etxeetan. Bertan artikuluak idaztera animatzeko deia egin dute Berako Kultur Batzordetik.
GIZARTEA
Doneztebe | 2012-05-21 | 10:59
Agorreta Musika Eskolako ikasle, ikasle ohi, irakasle zein gurasoek egun polit bat pasatzeko aukera izan dezaten, Musika Eskolaren Eguna antolatu dute maiatzaren 27rako, heldu den iganderako.
KIROLA
Eskualdea | 2012-05-21 | 10:51
Kostata izan bada ere, Transportes Bidasoa txirrindulari taldeak bere lehen garaipena erdietsi zuen igandean Monzon Hiria Sari Nagusian. Ion Zeberiok lehen kilometroetan gauzatutako ihesaldi bati esker lortu zuen irabaztea.
KIROLA
Urdazubi | 2012-05-21 | 09:28
Maiatzaren 19an, larunbat goizean jokatu zen Urdazubiko Kontrabandisten lasterketa. Guzira, 75 korrikalarik eman zuten izena, baina egin zuen eguraldi kaxkarrarengatik, eta 63 bakarrik atera ziren. Jatorri marokoarra duen Jandari Said frantziarra izan zen bizkorrena, ordubete, 4 minutu eta 38 segunduko denborarekin. Gisa honetara, 500 euroko saria jaso zuen.
GIZARTEA
Baztan | 2012-05-21 | 08:09
Euskara eta aisialdia uztartuz, aurten ere udako jostaldia antolatu du Udaleko Euskara Zerbitzuak 3 eta 12 urte bitarteko haur eta gaztetxoendako. Uztailean eta abuztuan lau txanda eskainiko dira, 10:00etatik 13:00etara.
GIZARTEA
Baztan | 2012-05-18 | 08:15
Nafarroako konkistaren 500. urteurrena dela eta, besta egun haundia antolatu dute Tolosan (Gipuzkoa) maiatzaren 26rako eta baztandarrak gonbidatu egin dituzte. Gainera, goizean Tolosako udaletxean Baztango Udalari eta Amaiurko herriari harrera eginen diote eta ondotik, haur parke bati Amaiur parkea paratuko diote izena.
KULTURA
Leitza | 2012-05-17 | 08:08
Hastear da Leitzako XXXV. Kultur Aroa. 35 urte LeitzakoKultur Taldeak, gaur egun ALKE, kultur jarduerak eta egitarauak lantzen eta eskaintzen. Lehen eta orain ere dozenaka boluntarioen lanari esker eta herritarren laguntzarekin osatu da egitarau zabala.
GIZARTEA
Malerreka | 2012-05-17 | 09:17
Gizarte hezitzaile bat lanaldi erdian kontratatzeko deialdia egin du Malerrekako Mankomunitateak eta dagoeneko zabalik dago izena emateko epea. Ekainaren 4ra arte izanen da aukera eta interesatuek Mankomunitatean egin beharko dute.
GIZARTEA
Elizondo | 2012-05-14 | 09:44
Elizondoko herriak Santiago bestak iragartzeko kartel lehiaketa deitu du hirugarren urtez. Lehiaketa irekia da eta partehartzaileek nahi adina lan aurkez ditzakete. Lehiakideek beren sobreak Elizondoko Herriko Etxeko buzoian sartu beharko dituzte edo Baztango udaleko harreran utzi ekainaren 1eko eguerdiko 12:00ak baino lehen. Sobre hauek posta arruntez bidaltzekotan, maiatzaren 28a baino lehen igorri beharko dira.
TTIPI-TTAPA | Anduetzeta, 12 | 31760 ETXALAR (Nafarroa)
Tel: 948 63 54 58 | Faxa: 948 63 54 57
Diseinua: Ttipi-Ttapa | Garapena: iametza interaktiboa
Laguntzaileak:
