larunbata, 2012ko maiatzaren 19a
Toki Ona Bortziriak saskibaloi taldea etxean liga irabazten saiatuko da asteburuan.
Toki-Ona Bortziriak taldea lehenbizikoa izan da 1. maila autonomikoko ligan eta orain txapela jantzi nahi du etxean
Bera | 2012-05-18 | 07:54
Kirol hitzordu garrantzitsuak izanen dira asteburu honetan Beran. Hasteko, Toki Ona kiroldegiak Nafarroako senior gizonezkoen lehen maila autonomikoko lauko finala hartuko du. Larunbat arratsaldean finalerdiak jokatuko dira eta igande goizean finala eta hirugarren posturako lehia. Finalerdi bakoitzaren aitzinetik Aurreskua dantzatuko da eta partiduetako atsedenaldietan, jaurtiketa lehiaketak, abilidade probak eta dantzak izanen dira. Toki Ona Bortziriak taldea lehenbizikoa izan da liga arruntean, 21 garaipenekin eta soilik 3 partida galduta. Aipatzekoa da, seniorrak ez ezik, kategoria ttikiagoetan ere denboraldi bikaina egin duela Toki Ona Bortziriak saskibaloi taldeak. Honela, kadete mailako neskak ligako txapeldun izan dira eta kadete mailako mutikoak eta infantil mailako neskak azpitxapeldun.
Bertze aldetik, Gure Txokoako areto-futbol taldeak Euskal Ligara igotzeko fasearen lehen partida ere larunbat arratsaldeko 15:00etan jokatuko du. Partida hori irabaziz gero, finalera sailkatzeaz gain, Euskal Ligara igotzea lortuko du.
GIZARTEA
Lesaka | 2012-05-18 | 13:09
“Lesakako igerilekuarekin bat” turismo kanpainaren berri eman dute maiatzaren 18an, ortziral goizean. Kanpaina honekin, Bortzirietako hotel, landetxe eta aterpeekin elkarlana egin nahi du Lesakako udal igerilekuak eta kanpainarekin bat egiten duten establezimenduetan ostatu hartzen dutenek, prezio bereziak izanen dituzte igerilekura sartzerakoan udako egun guzietan eta negu denboraldiko asteburuetan. Ikusi bideoa
KIROLA -> PILOTA
Doneztebe | 2012-05-18 | 09:29
Nafarroako Herriarteko pilota txapelketako bigarren jardunaldia jokatuko da asteburuan eta Doneztebe eta Bera aurrez aurre izanen dira maiatzaren 19an, larunbat goizeko 10:00etatik aitzinera, Doneztebeko pilotalekuan.
GIZARTEA
Baztan | 2012-05-18 | 08:15
Nafarroako konkistaren 500. urteurrena dela eta, besta egun haundia antolatu dute Tolosan (Gipuzkoa) maiatzaren 26rako eta baztandarrak gonbidatu egin dituzte. Gainera, goizean Tolosako udaletxean Baztango Udalari eta Amaiurko herriari harrera eginen diote eta ondotik, haur parke bati Amaiur parkea paratuko diote izena.
KIROLA
Urroz | 2012-05-18 | 07:46
Urrezko Aizkolariak – Eusko Label banakako aizkora txapelketako bi saio jokatuko dira maiatzaren 20an, igande eguerdiko 12:00etatik aitzinera Urrozen. Hain zuzen, gazteenen kategorietan, 23 eta 19 urtez beheitiko mailetako finalerdietan sartuko diren azken aizkolariak erabakiko dira.
GIZARTEA
Senpere | 2012-05-17 | 13:53
Naia Lacroix senpertarra isolamenduaren aurkako borrokan gose greban dago, Fresnesko euskal preso politikoekin batera. Egoera aldatzen ez bada, maiatzaren 23tik aitzinera egarri grebari ere ekinen dio. Egoeraren larritasuna ikusirik, hainbat mobilizazio iragarri dituzte.
GIZARTEA
Malerreka | 2012-05-17 | 09:17
Gizarte hezitzaile bat lanaldi erdian kontratatzeko deialdia egin du Malerrekako Mankomunitateak eta dagoeneko zabalik dago izena emateko epea. Ekainaren 4ra arte izanen da aukera eta interesatuek Mankomunitatean egin beharko dute.
KIROLA -> TRIATLOIA
Lesaka | 2012-05-17 | 09:42
Maiatzaren 12an, joan den larunbatean jokatu zen Madrilgo Buitrago de Lozoya herrian II. Ecotrimad, Espainiako distantzia ertain eta luzeko Triatloi txapelketarako sailkatzeko eta estatuko rankingerako puntuagarria zen proba. Lesakako Beti Gazteko Bixente Igartzabalek eta Alejo Sarobek ere parte hartu zuten.
GIZARTEA
Eskualdea | 2012-05-17 | 08:57
Nafarroako Mendialdeko Turismo Kalitaterako Mahaia Cederna Garalur Elkarteak Antsoainen duen bulegoan elkartu zen maiatzaren 9an, Jarduera Onen Eskuliburuen ebaluazio-txostenak baloratze aldera.
GIZARTEA
Baztan | 2012-05-16 | 08:02
Nafarroako Euskararen Mediatekaren funtsa Xaloa kultur-elkartearen artxiboko 80 orduko ikus-entzunezko grabazioen bidez osatu dute. Materiala euskaraz da, Baztango dialektoan.
GIZARTEA
Lesaka | 2012-05-16 | 08:23
Lesakako Arrano elkarteak 25 urte bete ditu aurten eta hori ospatzeko zenbait ekitaldi antolatu ditu. Inauterietan, mozorrotzeko gai bat aukeratu eta elkarrekin kalejira eta bazkaria egin ondotik, maiatzaren 19an barrikotea eginen da.
GIZARTEA
Elizondo | 2012-05-14 | 09:44
Elizondoko herriak Santiago bestak iragartzeko kartel lehiaketa deitu du hirugarren urtez. Lehiaketa irekia da eta partehartzaileek nahi adina lan aurkez ditzakete. Lehiakideek beren sobreak Elizondoko Herriko Etxeko buzoian sartu beharko dituzte edo Baztango udaleko harreran utzi ekainaren 1eko eguerdiko 12:00ak baino lehen. Sobre hauek posta arruntez bidaltzekotan, maiatzaren 28a baino lehen igorri beharko dira.
KIROLA
Arantza | 2012-05-18 | 07:50
Bertze urte batez, ailegatu da Arantza gainez gain ezagutzeko aukera ematen duen mendi itzulia. Ekaitza Elkarteak antolatutako Arantzako Mendi Itzulia maiatzaren 20an eginen da. Bi urtetik behin egiten da eta alditik aldira gero eta arrakasta haundiagoa lortzen ari da. Duela bi urte, adibidez, markak hautsiz, 704 lagunek egin zuten mendi itzulia.
GIZARTEA
Bera | 2012-05-18 | 07:38
Kooperatiba desberdinen inguruko zikloa eginen dute Berako Kaxerna Gaztetxean. Hasteko, maiatzaren 20an, igande arratsaldeko 19:00etan The Take (La Toma) bideo emanaldia eskainiko da gazteleraz.
GIZARTEA
Eskualdea | 2012-05-18 | 10:37
Heldu den ekainaren 2an, Santurtzin, Euskal Herrian mintzapraktika taldeetan ari diren lagunen eguna ospatuko da: Mintza Eguna 2012. Baztango, Bortzirietako eta Malerrekako solaslagunek autobusa antolatu dute hara joateko, eta debaldekoa izanen da.
KULTURA
Leitza | 2012-05-17 | 08:08
Hastear da Leitzako XXXV. Kultur Aroa. 35 urte LeitzakoKultur Taldeak, gaur egun ALKE, kultur jarduerak eta egitarauak lantzen eta eskaintzen. Lehen eta orain ere dozenaka boluntarioen lanari esker eta herritarren laguntzarekin osatu da egitarau zabala.
GIZARTEA
Eskualdea | 2012-05-17 | 09:06
Plazak bete kartzelak hustutzeko helburuarekin Herrira mugimenduak maiatzaren 19rako deitutako Goazen plazara ekimenarekin bat eginez, plazako kontzentrazioetaz gain, hainbat ekitaldi eginen dira larunbatean eskualdeko herrietako plazetan.
KULTURA
Bera | 2012-05-17 | 08:18
Berako Euskara Batzordeak urtero antolatzen du antzerki emanaldi bat, Berako Kultur Batzordearen laguntzarekin. Aurten Gure bide galduak antzezlana eskainiko du larunbat arratseko 22:00etatik aitzinera Kultur Etxean, Dejabu konpainiaren eskutik. Berriki lan honek XII. Donostia Antzerki Saria jaso du.
GIZARTEA
Bera | 2012-05-17 | 07:57
Berako San Jose zahar etxetik arratsalde alternatibo bat pasatzeko asmoz, Azpeitian dagoen Loiolako San Inazio basilikara irteera egin zuten maiatzaren 13an, igandean, eta ondotik, Gipuzkoako kostaldeaz gozatzeko modua izan zuten, eguraldi bikaina lagun.
POLITIKA
Baztan | 2012-05-16 | 08:13
Aitzineko prentsa ohar batean jakinarazi zuen bezalaxe, Pello Iriartek dimititu eta gero zinegotzi kargua «erantzunkizun eta koherentzia politiko printzipioetan oinarrituta» hartu duela jakinarazi du Maite Iturre, Baztango Nafarroa Bai 2011ko zinegotziak, maiatzaren 15ean eskainitako prentsaurrekoan.
KULTURA
Baztan | 2012-05-16 | 08:21
Elizondoko koro ttikia maiatzaren 12an, larunbatean Agoitzen kantari aritu zen, Agoizko San Migel koro ttikiaren 25. urteurrena dela eta. Agoiztarrak eta baztandarrekin batera Atarrabiako Paz de Ziganda ikastolako abesbatzak kontzertua eskaini zuten.
GIZARTEA
Bera | 2012-05-15 | 07:56
Urteroko moduan, Sanesteban besten programarekin batera, Berako Oihua aldizkaria banatuko da etxeetan. Bertan artikuluak idaztera animatzeko deia egin dute Berako Kultur Batzordetik.
TTIPI-TTAPA | Anduetzeta, 12 | 31760 ETXALAR (Nafarroa)
Tel: 948 63 54 58 | Faxa: 948 63 54 57
Diseinua: Ttipi-Ttapa | Garapena: iametza interaktiboa
Laguntzaileak:
