publizitateaTranstxakain (4500x90 pixel) MugimenduarekinpublizitateaIRATXE (450X90pixel) Mugimedu gabe

asteartea, 2014ko irailaren 2a

ttipi-ttapa

Nafarroako 15.txapela jantzi du Alustizak Jai txakurrarekin.

Nafarroako 15.txapela jantzi du Alustizak Jai txakurrarekin.

GIZARTEA

Antonio Alustiza aresoarrak lehen eta bigarren postuak eskuratu ditu Nafarroako Artzain Zakur Txapelketan

Txapelketa 15 aldiz irabazita, Patxi Etxeberriaren errekorra berdindu du

Areso | 2014-09-01 | 10:08

Hiruko bikaina osatzen dutela erakutsi zuten berriz ere Antonio Alustizak eta Jai eta Bat zakurrek. Uharte-Arakilen, abuztuaren 31n jokatu zen Nafarroako Artzain Txakur Txapelketan, iaz bezalaxe, sailkapeneko lehenengo bi postuak lortu zituzten. Nafarroako Artzain Txakur Txapelketaren 47. edizioa irabazita, Nafarroako bere 15. txapela jantzi du aresoarrak, hamaikagarrena du jarraian eta Patxi Etxeberriaren errekor historikoa berdindu du. Hirugarren saria ere eskualdera etorri zen, Oronoz-Mugairiko Jorge Oteiza eta Arakil zakurrarentzat izan baitzen.

Horretaz gain, Nafarroako Ardi Latxaren XXXi.edizioan Iturengo Isidro Bazterrika, Urdazubiko Manuel Bengoetxea, Arizkungo SC. Irigoienea eta Leitzako Jokin Labaienen ardi eta bildotxek sariak jaso zituzten. Eta XXXIII. Gazta lehiaketan Urdazubiko Manuel Bengoetxearen gaztak hirugarren saria lortu zuen.

GIZARTEA

Leitzako gazte bat inputatu dute film labur batean pintaketa bat egiteagatik

'Zakarrak botatzen' film laburreko irudi bat.

Leitza | 2014-09-01 | 08:39

Leitzako Atekabeltz gaztetxeak antolatutako laugarren film laburren lehiaketako irabazlea da Zakarrak botatzen bideoa eta 21 urteko gazteari film horretan terrorismoa goratzea leporatu dio Guardia Zibilak. Ikusi hemen bideoa.

KIROLA

Buruz Buruko Erremonte Txapelketako finaletik kanpo gelditu da Uterga

Utergak partida ederra jokatu zuen Urrizaren kontrako finalerdian.

Doneztebe | 2014-09-01 | 09:44

Doneztebarrak partida bikaina jokatu du eta Urrizaren kontrako partidan markagailua nahiko berdindua ibili den arren, azkeneko tantoan huts egin eta 30-29 galdu du Utergak. Hala, joan den urteko bi erremontistak izanen dira aurten ere buruz buruko finalean: San Miguel doneztebarra eta Urriza iruñearra.

KIROLA

Irati Otxoteko lesakarrak zilarrezko domina eskuratu du Espainiako pistako txapelketan

Lesaka | 2014-08-29 | 10:51

Taldekako jazarpen proban Nafarroako selekzioarekin aritu da lesakarra eta urrezko domina lortzeko puntuan izan dira, irabazlearengandik hiru segundora baino ez baitira gelditu.

KIROLA

Joseba Larralde beratarrak irabazi du Sarako kontrabandisten lasterketa

Lasterkariak ibilbideko lehen metroetan.

Sara | 2014-08-26 | 14:32

Sarako Kontrabandisten Lasterketaren 51. edizioa asteburuan jokatu da eta 33 lasterkarik egin dute ibilbidea. Tartean izan dira eskualdeko hainbat. Podiuma osatu zutenak ere eskualdekoak izan ziren. Joseba Larralderen ondotik, Asier Apezetxea aranztarra izan da bigarrena eta hirugarrena Iñigo Lasaga. Ikusi igandeko argazkiak.

GIZARTEA

Balkoi loredunen lehiaketako sariak banatu ditu Lesakako Zerbitzuen Elkarteak stock azokan

Balkoi loredunen lehiaketako sarituak.

Lesaka | 2014-08-25 | 10:56

Dolores Almandoz, Nora Eneterreaga eta Mª Jesus Aiestaran izan dira sarituak eta Lesakako Zerbitzuen Elkarteko 42 zerbitzuetan gastatzeko 200, 150 eta 100 euro eskuratu dituzte, hurrenez hurren. Gainerakoan, stock azokak izandako erantzunarekin «kontent» gelditu direla adierazi dute elkartetik. Ikusi argazkiak.

KIROLA

Nafarroako taldea hirugarren izan da Zazpi Herrialdeen Kirol Txapelketan

Euskal Herria | 2014-08-25 | 09:41

Gipuzkoa nagusitu da Atharratzen jokatu den lehian, hamar probatatik lau irabazi baititu. Gipuzkoaren ondotik, Bizkaia gelditu da sailkapenean, Nafarroa hirugarren, Lapurdi laugarren, Araba bosgarren, Nafarroa Beherea seigarren eta Zuberoa zazpigarren.

KIROLA

Emilio Zabala, Gorka Iribarren, Jokin Arraztoa eta Pio Gartzia nagusitu dira Doneztebeko Laxoa Torneoan

Finaleko bi taldeak eta sariak banatu zituen Eduardo Oiarzabal zinegotzia

Doneztebe | 2014-09-01 | 10:05

32 lagunek parte hartu duten aurten bigarren aldiz egin den Doneztebeko Laxoa Torneoan. Azpitxapeldunak Pascual Bertiz, Julen Larretxea, Mikel Mutuberria eta Aitor Bertiz izan dira.

KULTURA

Amaiurko bestetan egindako zozketaren zenbaki sarituak jakinarazi dituzte

Amaiur | 2014-09-01 | 09:04

Lehenbiziko saria 5.073 zenbakiari egokitu zaio eta zenbakiaren jabeak bi lagunendako asteburu bateko egonaldia izanen du saritzat; bigarren saritua 1.978 zenbakia da eta honen jabeak bi pertsonendako otordua izanen du Amaiurko Mendialde jatetxean.

GIZARTEA

Xorroxin Irratiaren aldeko behikaka.com zozketako sariak eskuratzeko epea bukatuta, ordezko zenbakiak sartu dira indarrean

Aurtengoarekin seigarren aldiz egin dute Xorroxin Irratiaren aldeko Behikaka ekimena.

Baztan | 2014-08-29 | 09:01

Bigarren eta hirugarren sariak egokitu zaizkien boletoen saridunak ez dira agertu, eta hala ordezko zenbakiak sartu dituzte irratian Xorroxin Irratikoek. Bigarren sariaren ordezkoa lerroa 3 eta zutabea 88 duen boletoa da eta Josetxo Xorroxin irratiko langileak saldua da. Hirugarren sariaren ordezkoa lerroa 1 eta 32 zutabea duena da eta hau Arantzako Aterpean saldua da. Hamabortz eguneko epea izanen dute saria eskuratzeko.

KULTURA

Boletoen zozketa egin dute Arantza Rocken

Arantza | 2014-08-25 | 10:18

Kalera, Afu, Xaiko, Governors eta Aierrik taldeekin giro polita sortu da Arantza Rocken, eta jendetza bildu da aurten ere. Kontzertuen artean boletoen zozketa ere egin dute eta hauek izan dira zenbaki sarituak: Euskal Herriko landa-etxe batean bi lagunentzako asteburua 1.356 zenbakiari egokitu zaio, Arantzako Aterpen bi lagunentzako afaria, arratsa eta gosaria 1.603 zenbakiari eta hirugarren saria, bi lagunentzako zirkuitua bainuetxean 1.839 zenbakiari. Sarituek hilabete bateko epea izanen dute agertzeko.

KIROLA

Pellejerok eta Saralegik Euskal Herriko III. Mailako Aizkora Txapelketako finalerako txartela lortu dute

Pellejero aresoarrak arazorik gabe eskuratu du finalerako txartela.

Eskualdea | 2014-08-25 | 09:57

Asteburuan jokatu da kanporaketa Gorritin eta bederatzi aizkolari aritu dira lehian. Tartean izan dira Asier Pellejero (Areso), Eneko Saralegi (Leitza), Mikel Indakotxea (Zubieta eta Joxean Etxeberria (Ziga). Lehenbiziko biek finalerako txartela eskuratu dute, kanporaketan lehen eta bigarren postuak eskuratuta. Bigarren kanporaketa irailaren 28an jokatuko da.

Destakatuak

roll up
TTIPI TXARTELA 2014
Telefono Gida 2013
facebook
TWITER
Errepidea
Eguraldia
Youtube
Geure buruaz | Pribatasun politika | Kontaktua

TTIPI-TTAPA | Koskontako bidea, 07 - 1 | 31770 LESAKA (Nafarroa)

Tel: 948 63 54 58 | Faxa: 948 63 54 57

Diseinua: Ttipi-Ttapa | Garapena: iametza interaktiboa

Creative Commons-en baimenaTTIPI-TTAPAko edukiak kopiatu, moldatu, zabaldu eta argitaratzeko libre zara, beti ere, gure egiletzakoak direla aitortzen baldin baduzu eta baldintza berdinetan egiten baduzu.

Laguntzailea:

Eusko Jaurlaritza