Igandean, 09:00etan merkatua eginen dute Gaineko Plazan eta askaria ikastolan Kuxkuxturekin; 11:00etan desfilea Behereko Plazatik abiatuta dantzariekin, ziganteekin eta musikariekin; 11:30ean ekitaldia elizako plazan eginen dute eta 12:30ean Bas'Hitza eta irrintzia; 13:00etan larrain dantza eta jauziak dantzatzeko aukera izanen da eta 14:00etan ikastolako bazkaria Plaza Xokon.
Behereko Plazan, 11:30ean Rakatapunk elektrotxaranga hasiko da; 13:30ean Gaitistaneko orkestra; 15:30ean Elektrotxorongo elektrotxaranga eta 17:30ean Tukutuku txaranga.
Haurren txokoan, 10:00etatik 19:00etara puzgarriak, egurrezko jokoak eta aurpegi tindaketa izanen dituzte; 17:00etan Pontx pailazoa eta 18:00etan zirku ikusgarria hasiko dira.
Familien txokoan, 15:00etan bertso saio musikatua eginen dute Amets Arzallus, Xabat Illarregi, Ane Labaka eta Miren Amuriza bertsolariekin eta Eneko Sierra eta Beñat Antxustegi musikariekin. 16:30ean dantza ikusgarria hasiko da; 17:30ean Kiki Bordatxo; 20:00etan Cumbian Berao; 22:30ean Belako eta 00etan Dj Uzkuluz.
Kulturaldiko azkenak
Azken urteetan bezala, Nafarroaren Egunaren inguruan Kulturaldia ere antolatu du apirilean Basaizeak. Egun handiaren aitzinetik, apirilaren 27an, larunbatean 20:30ean Biletxean Ai gure juaneteak antzerki musikatua izanen dute eta ondotik, maiatzaren 1ean, Mejillon Tigre olerki errezitaldia Arrosan, 18:30ean.