mai 08, 10:00 Mendialdea
Martxoan baino hamar guttiago dira
579 langabetu zeuden Doneztebeko Enplegu Bulegoan izena emanak apiril hondarrean, martxoan baino hamar guttiago. Langabetu gehien duen zerbitzuen arloan hamar langabetu guttiago daude apirilean (429). Industria arloan, aldiz, hiru langabetu gehiago zeuden apiril hondarrean (83) eta eraikuntza arloan mantendu da langabetu kopurua (30). Nekazaritza-abeltzaintza arloan, berriz, bi langabetu gehiago zeuden (12). Aitzinetik lanik egin gabekoen artean bortz langabetu guttiago zeuden (25). Ondoko koadroan herriz herriko datuak eta urtez urteko konparazioa ikus dezakezue.
mai 03
Sagardoaren erremonte txapelketa ortzegunean hasi zen Galarretan jokatutako bi partidekin. Lehenbizikoan, Josetxo Ezkurra II.a doneztebarrak eta Azpirozek (Alorrenea) 2-1 irabazi zieten Urrizari eta Martirenari (Aburuza) (15-10, 3-15 eta 5-8). Bigarrenean, Segurolak eta Larrañagak (Petritegi) 2-0 irabazi zieten Aldaberi eta Aritz Juanenea saldiastarrari (Gurutzeta) (15-12 eta 15-14).