Feria eguna izanen dute ortziralean Donezteben. Bertako artisauak postua paratuko dute, eta aziendak ikusteko aukera ere izanen da. Hala ere eguneko protagonista nagusiak ahariak izanen dira, Doneztebeko XV. Ahari Lehiaketa eginen baitute.
Barraskilo Berako Gazte Taldeak antolatuta, oinarrizko lehen sorospenen ikastaroa eginen duten bigarren urtez Beran ortzirale honetan, maiatzaren 10ean, Kultur Etxean.
Maiatzaren 10ean, ostiralean, ipar martxako tailerra eskainiko dute Leitzako kiroldegian 16:30etik 18:30era. Doako tailerra izanen da eta emakumeei zuzendutakoa. Izena emateko 948 51 07 19 zenbakira deitu edo 623 26 65 82 zenbakira mezu bat bidali behar da. Tailerra ibilkeraren jarrera eta patroia, indarra eta erresistentzia kardiobaskularra eta oreka eta koordinazioa hobetzera bideratuko dute.
Hitzaldia maiatzaren 10ean Lesakako Herriko Etxeko batzar aretoan eginen dute eta Lidon Soriano Segarra ekintzailea izanen da hizlaria, brigaden koordinatzailea eta larrialdietako erizaina Palestinan 20 urtez.
Malerrekako Bertso Eskolakoek arratsalde pasa berezia antolatu dute ortziralerako, hilaren 10erako. Eskolako ikasleek bertso saio esperimentala eginen dute Elgorriagako ostatuan. Hitzordua 19:00etan izanen da, eta ondotik bertaratuentzako merienda izanen da.
Saiberri abesbatzak kantaldia eskainiko du maiatzaren 11n Saran. Elizan ariko dira kantari, ortzirale arratseko 9etatik aitzinera.
2024ko Sanferminetako programaren azala eta bestak iragarriko dituen kartela aukeratzeko lehiaketa deitu du Lesakako udalak, herrian sortu edota bertan bizi direnentzat. Lanak udal bulegoetan aurkezteko epea maiatzaren 17ko 13:00etan bukatuko da, lehiaketa hauetan ohikoa den sistema erabiliz.
II. Bizibide Enduro lasterketa asteburu horretan izanen dela probestuz emanen du Julen Urtxegi irakasleak
Ekaina | ||||||
---|---|---|---|---|---|---|
al | ar | az | og | ol | lr | ig |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |