Asteburu honetan abiatu da Nafarroako Foru Komunitateko laugarren pilota torneoa, larunbatean Vianan eta igandean Mendavian jokatutako jardunaldiekin. Bietan izan ziren eskualdeko pilotariak eta bietan garaile suertatu ziren: Nahia Bertiz sunbildarra larunbatean eta Alize Sagardui goizuetarra igandean.
Nahia Bertiz eskuz binakako pilota mistoko promesak kategoarian ari da eta Janire Sotilekin bikote eginez 18-11 irabazi zien Udane Ozaetari eta Maddi Ugalderi.
Elite mailan, berriz, Garaik eta Zarrabeitiak 22-16 irabazi zieten Arraizari eta Bilyak-i.
Igande goizean Mendavian jokatutako partidan, eskuz binakako pilota mistoko gazte mailan, Alize Sagardui goizuetarrak eta Uxue Gomezek 18-14 irabazi zieten Maria Crespori eta Eider Perezi.
Elite mailako partidan, Garaik eta Capellanek 22-18 irabazi zieten Arraizari eta Bilyak-i.