Ahoz noiznahi erabiltzen diren *benpin edo *aixtin idazteko orduan zalantza izaten dugu eta, horien tokian, sinonimoak idazteko joera dugu: behintzat edo duela gutxi.
*Benpin eta *aixtin ahozko formak dira, baina idatziz behinik behin eta arestian paratu behar da.
Hori eta bertze hainbat zalantza argitu nahi izan dituzte Malerrekako Mankomunitateak egin berri duen Malerreka aldeko mintzoak gidan, eta baita bideo laburretan ere.
Lan hau hiru modutan eskuratzeko aukera dago: pdf eta doc formatuetan, eta paperean. Informazio gehiago nahi izanez gero, sartu Malerrekako Mankomunitateko webgunean.