ttipi-ttapa RSS

Garate, Urtasun eta Salaburu iruritarrek irabazi dute XII. Paxaka txapelketa

Tue, 07 Feb 2012 08:00:00 +0100

Laxoa Elkarteak hamabigarren urtez antolatutako Baztan Errekako paxaka txapelketako finala jokatu zen otsailaren 4ean Iruritako Aranabia pilotalekuan. Joan den urtean bezala, Iruritako bi talde izan ziren aurrez aurre eta normala ere bada, txapelketan parte hartu duten zortzi hirukoteetatik zazpi bertakoak baitziren. Bertzea, Oizkoa.

Ehun bat bago landatuko dituzte Arantzako eskolako neska-mutikoek otsailaren 8ko Zuhaitzaren Egunean

Tue, 07 Feb 2012 08:11:00 +0100

Urtero bezala, otsailaren 8an, Lehen Hezkuntzako eta DBHko ikasleekin, Zuhaitzaren Eguna eginen da Arantzako eskolan. Ekimen hau eskolaren eta Arantzako Udalaren artean antolatzen da.

Malerrekako pilota txapelketako partidak bertan behera gelditu dira asteburuan

Tue, 07 Feb 2012 08:06:00 +0100

Doneztebeko Erreka elkarteak antolatutako Malerrekako hamargarren eskuz binakako pilota txapelketako jardunaldia bertan behera gelditu zen asteburuan, eguraldiarengatik. Otsaularen 8an, asteazken arratsaldean, senior elite eta bigarren mailakoak ariko dira Donezteben eta Beran.

Baztango udaleko hondakinen batzordeko bilera eginen da otsailaren 7an

Tue, 07 Feb 2012 08:07:00 +0100

Baztango Udaleko Hondakinen Batzordeko bilera eginen da otsailaren 7an, astearte arratsaldeko 19:00etan Balleko Etxean.

Garaipenarekin agurtu da Migel Mari Urrutia

Mon, 06 Feb 2012 11:19:00 +0100

Migel Mari Urrutia saldiastarrak adio erran dio erremonte profesionalari. Otsaiñaren 4ean, larunbat arratsaldean jokatu zuen azken partida Galarretan. Zeberio II.arekin bikote eginez, 40-27 irabazi zien Koteto Ezkurra eta Julen San Migel doneztebarrei.

Giro beroa eta entzule ugari Bardoak 2012ko lehen asteburuko saioetan

Mon, 06 Feb 2012 12:33:00 +0100

Elurra, izotza eta tenperatura baxuak oztopo izan ziren, baina ez zuten lortu Bardoak 2012ko saioetako berotasunarekin amaitzea. Osotara, Nafarroako taldekako txapelketako lau saio egin dira asteburu honetan eta horietan guztietan nabarmentzekoa da egon den giro bikaina –hiru saio afariarekin izan ziren-, entzule kopurua -250 entzule osotara- eta saioek eman duten maila ona.

Emakume Abertzaleen V. Topaketa Feministak Leitzan eginen dira

Mon, 06 Feb 2012 12:11:00 +0100

Emakume Abertzaleen bosgarren Topaketa Feministak Leitzan eginen dira martxoaren 2tik 4ra, Euskal Herriko Bilgune Feministak antolatuta. Baina aldi honetakoa berezia izanen da, Bilgune Feministak hamar urte beteko baititu aurten.

Beran eta Baztanen ere atera dira Santa Ageda bezperan kopla kantari

Mon, 06 Feb 2012 15:06:00 +0100

Leitzan eta Goizuetan bezalaxe, Beran eta Elizondon ere atera dira kopla kantari Santa Ageda bezperan. Eguraldi kaxkarrari aurre eginez, Labiaga eta Baztan ikastolaren ekimemez, gurasoak, haurrak eta irakasleak karrikaz karrika ibili dira santa eskean. Lesakan, aldiz, aurten ez dira atera.

UEMA Eguna prestatzen hasteko bilera eginen da otsailaren 7an Goizuetan

Mon, 06 Feb 2012 12:46:00 +0100

Udalerri Euskaldunen Mankomunitateko herri eta bizilagunak biltzen dituen aurtengo UEMA Eguna Goizuetan ospatuko da. Ekainaren 9an izanen da, eta egun guztiko festa izanen denez, prestaketa lanak egiten hasi beharrak dira Goizuetan. Herri mailan lantaldea osatu nahi da eta bilerak egiten ere hasiak dira.

1.307 langabetu daude eskualdean, inoiz baino gehiago

Fri, 03 Feb 2012 07:46:00 +0100

2011. urte bukaeran 1.200 langabetu zeuden Doneztebeko Enplegu Bulegoan izen emanak. Hilabete beranduago 107 gehiago dira, 1.307. Langabeziko datua ematen hasi zirenetik eskualdeak izan duen kopururik handiena. Nafarroan aunitz igo da langabezia, %6,82, baina eskualdean oraindik bortitzagoa izan da igoera, %8,92koa, Nafarroa osoko bulegoen artean handiena.

Elurrak eta hormak kirol jardunaldian eragin du

Mon, 06 Feb 2012 10:51:00 +0100

Elurrak eta hormak eragina izan du asteburuko kirol jardunaldian, hainbat partida gibeleratu egin baitira. Halere, bertze parrasta bat jokatu ere egin da.

Isabel Elizalde Arretxea da Cederna Garalur Elkartearen zuzendari-gerente berria

Fri, 03 Feb 2012 07:42:00 +0100

Cederna Garalur Elkartearen Zuzendaritza Batzordea lanean hasi da Isabel Elizalde doneztebarrarekin. Urtarrilaren 30ean egin zen lehen bilera zuzendari-gerente izendatu berriarekin. Helburua: hasitako lan-ildoa indartzea eta 'Nafarroako Mendialdea - LGP' programaren 2012rako lehen deia egitea onartzea.

Hiri Hondakinen Mankomunitatetako otsaileko zozketa egin da

Fri, 03 Feb 2012 08:46:00 +0100

Baztango Udalak, Bortzirietako Hiri Hondakinen Mankomunitateak eta Malerrekako Mankomunitateak etxez-etxe banatutako egutegiek duten zenbakiarekin, otsaileko zozketa egin da eta hauxe da zenbaki sariduna: 1.574.

Iganderako iragarria zegoen auzolana otsailaren 12ra gibeleratu du Elizondoko Herriak

Thu, 02 Feb 2012 11:27:00 +0100

Elizondoko herriak zuhaitz landaketarako auzolan deialdia egina zuen otsailaren 5erako. Baina astebururako iragarri den eguraldia dela-eta, astebete gibeleratzea erabaki dute alkate eta kargodunek. Xabi Torres alkateak aipatu digunez, “garbi dago zergatik gibeleratu dugun, aste hondarrean lurra hormatua egonen da eta errepideak ere bai, beraz astebete beranduago eginen dugu”.

Nafarroako mendi automobilismo txapelketa irabazi du Imanol Oskoz elizondarrak

Thu, 02 Feb 2012 10:02:00 +0100

Imanol Oskoz Etxandi auto gidari elizondarrak Nafarroako mendi automobilismoko txapeldun suertatu da aurten junior mailan (25 urte arte) eta maila absolutuan. Joan den igandean, urtarrilaren 30ean jaso zituen garaikurrak Nafarroako Automobilismo Federazioak egindako sari banaketa ekitaldian.