GIZARTEA

Gaztetxeko arropa trukeko azoka Berako herrigunera eramanen da larunbatean

Orain arte asteazken eta ortziraletan egiten da Kaxernan

Bera | 2012-01-25 | 07:58 | Testua: TTIPI TTAPA

Etxean soberan dagoen arropari probetxua ateratzeko asmoz, arropa trukearen azoka antolatzen hasi zen Berako Kaxerna Gaztetxea joan den urte hondarrean. Astean bi egunez, asteazkenetan 18:00etatik 19:00etara eta ortziraletan 19:00etatik 20:00etara egiten da azoka, eta mota guztietako arropak balio du, jantziak aprobetxatu eta trukea bultzatzea baita helburua. Gainera, doan izaten da.

Bada, urtarrilaren 28an, larunbat honetan, Kaxernan egiten den arropa truke hori Berako herrigunera eramanen dute eta larunbat goizeko 10:00etatik 13:00etara Altzateko karrikan jarriko dute postua eta han izanen da arropa hartu edo uzteko aukera.