Irailaren 10etik 12ra ospatuko dira Bittiriko bestak. Ortziralean, 20:00etan patata tortilla txapelketa eginen da eta ordu berean, Bittiria auzoko III. Trikitixa Txapelketa jokatuko da. 21:00etan txupinazoa botako da eta kalejira eginen da eta 21:30ean Txooootx!” berendu afaria eginen da. 23:00etan rock kontzertua izanen da Arma, Tiro, Punk eta Askatu taldeekin.

Larunbatean, hilak 11, 10:00etan diana izanen da txistulariekin eta 12:00etan auzoko korrikalarien arteko desafioa izanen da Bittiriako plazan. Apusturako aukera ere izanen da, Diego Martinez artekari dela. 13:00etan bertso poteoa eginen da auzoan barna trikitilariekin eta 14:30ean bazkaria Jon Maia, Josu Sanjurjo eta Mañukorta bertsolariekin. 19:30ean berbena izanen da Gaubela taldearekin.

Igande goizeko 11:00etan haur jokoak izanen dira Eltzeta plazan. 17:30ean Lur Korta ipuin-kontalaria kontu kontari ariko da Bittiriko plazan eta bukatzeko, 18:30ean, trikitixa jaialdia eginen da.